|
Almennar fréttir
|
|
mánudagur, 16 janúar 2012 16:52 |
|
 Búið er að setja viðburði, skipulagsdaga og aðra frídaga inn í skóladagatalið hér að ofan. Við hvetjum ykkur til þess að kynna ykkur það. Enn á eftir að ákveða dagsetningu fyrir leikritið sem við verðum með niðri í sal í mars eða apríl. Þá höfum við ekki fengið dagsetningu á Sinfoníutónleikana sem elstu börnin fara á í apríl. Einnig eigum við eftir að ákveða hvenær í maí við förum í okkar árlegu sveitaferð. Athugið svo að á þessari önn höldum við tvo skipulagsdaga eftir hádegi eingöngu eða þann 27. janúar og 2. mars. Þessa tvo daga verður leikskólinn lokaður frá kl. 12:30.
|
|
|
Dósasöfnun á Mýri fyrir vatnstanki |
 |
 |
 |
|
Fréttir af Grænfána
|
|
föstudagur, 13 janúar 2012 13:00 |
|
 Grænfánaverkefnið hjá okkur heldur áfram og við höfum ákveðið að taka inn vatn sem meginþema næstu þrjár annirnar. Við höldum þó áfram að vinna að úrgangsmálunum og átthögunum sem hafa verið okkar meginþemu hingað til. Við höldum því áfram að flokka allt rusl, safna lífrænum úrgangi sérstaklega og höldum áfram að fræðast um þau efni með ýmsum hætti. Vatnið er aðeins viðbót þar sem við fræðumst um mikilvægi vatns með ýmsum hætti. Fyrir sumarið ætlum við t.a.m. að setja upp vatnssöfnunartunnu við eina rennuna úti í garði sem börnin geta þá gengið í og notað. Vatnið í þeirri tunnu er ekki óþrjótandi sem okkur þykir vera ágætis lærdómur.
Annað sem við erum byrjuð að gera er að safna saman öllum dósum og flöskum sem til falla hjá okkur. Ágóðanum af dósasjóðnum verður svo varið í að fjárfesta í vatnstanki á vegum Hjálparstofnunar kirkjunnar. Vatnstankurinn er svo settur upp við hús í Uganda þar sem hægt verður að safna rigningarvatni í hann rétt eins og við á Mýri komum til með að gera. Við setjum því markið á 45.000 krónur en það er verðið á tankinum. Við munum safna dósum út þennan vetur og allan næsta vetur líka. Nánari upplýsingar um verkefnið má finna á vefsíðu Gjöf sem gefur Einnig er hægt að kaupa brunn en hann kostar 150.000 kr. sem við teljum vera heldur mikið á meðan 45.000 krónur ætti að vera raunhæft markmið. Nú, það sem fellur til hjá okkur af dósum er ekki það mikið að við náum að safna inn 45.000 krónum. Okkur langar því að biðja ykkur um hjálp. Þið sem getið og viljið taka þátt megið gjarnan koma með dósir og flöskur til okkar sem við förum svo með og seljum í Sorpu. Upplagt er láta börnin taka þátt í þessu svo að við séum að gera þetta öll saman og að þau verði meðvitaðri um verkefnið. Við vonum að þið takið vel í þessa hugmynd. |
|
Heimasíða Comeniusarverkefnisins |
|
|
|
|
Almennar fréttir
|
|
miðvikudagur, 21 desember 2011 13:54 |
|
 Nú er búið að koma upp heimasíðu fyrir Comeniusarverkefnið sem við á Mýri tökum þátt í ásamt skólum frá sex öðrum löndum (Belgíu, Eistlandi, Spáni (Katalóníu), Tyrklandi, Wales og Þýskalandi). Búið er að setja inn allar sögurnar sem börnin í þessum sjö skólum gerðu þ.m.t. okkar sögu um tröllin. Hægt er að nálgast helstu upplýsingar um verkefnin ásamt því að skoða heimasíður skólanna sem taka þátt. Eftir því sem verkefninu vindur fram mun fleira bætast á heimasíðuna eins og tónlistin sem búin verður til, myndverk, leikverk o.fl.
|
|
|
<< Upphaf < Fyrri 1 2 3 4 5 6 7 8 9 10 Næsta > Endir >>
|
|
Síða 1 af 22 |
Póstur
Viðburðir
